Жаңа басшылықтың келуімен 2021 жылдың тамыз айынан бастап «Казфосфат» компаниясының акционерлері мен менеджменті Президент Қасым-Жомарт Тоқаевтың әлеуметтік жобаларды іске асыру мәселелері жөніндегі тапсырмасын орындау бойынша ауқымды жұмысты өрістетті. Олардың ішінде: кәсіпорын қызметкерлерін тұрғын үймен қамтамасыз ету, жалақыны арттыру, қайырымдылық жобалары және өңірлерді абаттандыру. Осылайша, қысқа уақыт ішінде «Қазфосфат» еліміздің маңызды өнеркәсіптік кәсіпорындарының бірі ғана емес, сонымен қатар маңызды әлеуметтік бағдарламаларды белсенді іске асыратын компанияға айналды.
Мысалы, 2022 жылы компания басшылығы кәсіпорын қызметкерлеріне Қаратау қаласындағы 72 пәтердің кілтін тапсырды. Пәтерлерді ең алдымен көп балалы отбасылар, ардагерлер, еңбек мүгедектері, сондай-ақ «Қаратау» тау-кен өңдеу кешенінің қызметкерлері алды. Бұған дейін олардың барлығының өз баспаналары болған жоқ. Тұрғын үймен бірге компания балалар ойын мен спорт алаңдарын, воркаут-аймағы бар жаңа саябақ салды. Компания қызметкерлерінің балалары бос уақыттарын пайдалы өткізуі үшін үйдің жанында футбол мен баскетбол алаңдары салынды. Осылайша, бұған дейін иесіз және бос болған алаңдар қазір абаттандырылды. Жарықтандыру, отырғызылған ағаш көшеттері мен көгалдардан кейін аула жайлы, ерекше атмосфераға бөленді.
Биыл да компания қызметкерлерін тұрғын үймен қамтамасыз ету бағдарламасы қарқынды жүріп жатыр. Жаңатас қаласындағы «Үш Би» тұрғын үй кешенінің құрылысы аяқталғаннан кейін қызметкерлер, жас мамандар және аз қамтылған отбасылар арасында тағы 226 пәтер бөлінеді. Қазіргі уақытта бұл елдің өнеркәсіптік кәсіпорындары арасында соңғы жылдардағы рекордтық көрсеткіш. Бұл тұрғын үй кешенінде өзінің спорт залы жұмыс істейтін болады, ал тұрғындардың демалысы үшін түрлі жасыл желектері бар аллеяны жаңарту жүргізіледі.
«Казфосфат» компаниясы соңғы екі жыл ішінде жүргізіп келе жатқан мұндай жоспарлы жұмыс тұрғын үйге мұқтаж үш жүзден астам отбасы үшін орасан зор қолдау болып, өңірдің ауылдары мен қалаларын дамытуға үлкен серпін береді.
Бұдан басқа, «Отбасы Банк» АҚ-мен ынтымақтастықта компания өз қызметкерлері үшін жеңілдікті кредиттеуді іске асыру мүмкіндігін қарастыруда. Бүгінгі таңда келісім жасалды, онда компания қызметкерлері үшін тиімді тұрғын үй қарыздарын беру туралы толық ақпарат бар.
Компанияның тағы бір басым бағыты – «Казфосфат» бөлімшелері жұмыс істейтін өңірлердің көшелері мен демалыс орындарын абаттандыру. Мысалы, 2021 жылы компания Тараз қаласындағы «Үшбұлақ» жағалауын толығымен қайта құрды. Жағалау бойындағы аумақ абаттандырылды, ағаштар мен көгалдар отырғызылды, демалуға ыңғайлы орындықтар орнатылды, балаларға арналған ойын алаңы жабдықталды. Судың салқындығынан ләззат алу үшін өзенге қауіпсіз пирс салынды. Компания сонымен қатар көптеген жылдар бойы жұмыс істемейтін жаяу жүргіншілер көпірін толығымен жөндеді. Енді көпір тұрғындардың жолын қысқартып қана қоймай, сонымен қатар жергілікті көрнекті орынға айналған маңызды жолға айналды. Жасанды түрде жасалған серуендеу аралы да қала тұрғындарының сүйікті орнына айналды.
Ал Жамбыл облысының Шайқорық ауылында халық үшін жаңа демалыс паркін салу жоспарланған. Тұрғындардың бос уақытында спортпен шұғылдануы үшін заманауи спорттық жабдықтар орнатылып, қажетті құралдар орналастырылады. Кішкентай тұрғындар үшін де балалардың жеке ойын алаңдары болады.
Компания өз қызметін тек Жамбыл облысында ғана емес, «Казфосфат» бөлімшелері орналасқан басқа өңірлерде де іске асырады.
Сонымен қатар, кәсіпорын Түркістан облысының Құмкент ауылында көшелерін жарықтандыру жобасын қаржыландыруды жоспарлап отыр. Мұндай шара ауыл көшелеріндегі қауіпсіздікті қамтамасыз етуге айтарлықтай ықпал етуге мүмкіндік береді.
Компания өз кезегінде ерекше қажеттіліктері бар адамдарға, ардагерлерге және балалар үйлеріне көмектесетін қоғамдық ұйымдарды қолдауға ерекше назар аударады.
Айта кетейік, 2022 жылы «Казфосфат» компаниясы тек Жамбыл облысындағы қайырымдылыққа шамамен 1,2 млрд.теңге бөлді. Мұндай белсенді қайырымдылық жұмыстары жалғасады.
Осылайша, «Казфосфат» компаниясы кәсіпорын қызметкерлері мен халықты әлеуметтік қолдауға бағытталған барлық аталған шаралар өңірлердің дамуына оң әсер ететініне сенімді.